Pavlodar oblysynda jol apatynan bir adam qaza tapty
PAVLODAR. QazAqparat – 27 jastaǵy er adam júrgizgen kólik joldyń jıegine aýdaryldy, dep habarlaıdy QazAqparat.
«31 mamyr kúni saǵat 23:10-da Efremovka-Lýgansk kúre jolynyń onynshy shaqyrymynda, Pavlodar aýdanynyń Lýgansk aýylynyń janynda «Toıota Estıma» kóliginiń 27 jastaǵy júrgizýshisiniń kólikti basqara almaýy saldarynan avtomobıl joldyń jıegine aýdarylyp qalǵan. Jol apaty saldarynan júrgizýshi alǵan jaraqatynan oqıǵa ornynda qaza tapty», - dep habarlady Pavlodar oblystyq polıtsııa departamentiniń baspasóz qyzmetinen.
Aımaqtyq polıtsııa departamentiniń málimetinshe, tıisti saraptamalar taǵaıyndalǵan.
Kólik aıyppul turaǵyna kirgizildi. Tekserý jumystary júrgizilip jatyr.
