Pavlodar oblysynda jol apatynan bes adam qaza tapty
PAVLODAR. QazAqparat – Birneshe adam ólimine alyp kelgen jol-kólik oqıǵasy Qalqaman-Baıanaýyl-Úmitker tas jolynyń 91-shi shaqyrymynda bolǵan, dep habarlaıdy QazAqparat Pavlodarnews.kz saıtyna silteme jasap.
Oblystyq polıtsııa departamentiniń málimdeýinshe, «VAZ 21713» kóliginiń tizgininde elorda turǵyny otyrǵan. Ol qarama-qarsy jolaqqa shyǵyp ketip, rýlde Baıanaýyl aýdanynyń turǵyny otyrǵan «VAZ 21703» avtokóligimen soqtyǵysqan.
Betpe-bet soqtyǵysý saldarynan «VAZ 21713» kóliginiń júrgizýshisi men úsh jolaýshysy jáne ekinshi kóliktegi bir jolaýshy kóz jumdy.
Oblystyq densaýlyq saqtaý basqarmasynyń habarlaýynsha, jedel járdemniń birinshi deńgeıimen apat ornyna eki medıtsınalyq kómek kóligi barǵan. Jedel járdem kelgenge deıin bes adam kóz jumǵan: 36, 65 jáne 45 jastaǵy er adamdar, 37 jáne 52 jastaǵy áıel adamdar. Jaraqat alǵan eki adam Baıanaýyl ortalyq aýrýhanasyna jatqyzyldy.
- 14 jasar jasóspirimde jabyq bas súıek-mı zaqymy, mı shaıqalýy, ishtiń doǵal jaraqaty jáne oń jambastyń jabyq synýy bar. 37 jastaǵy er adam mıy shaıqalyp, jabyq bas súıek-mı zaqymyn alǵan. Oń jaq jilinshiginen joǵary ashyq synýy jáne sol jaqta jambastyń jabyq synýy baıqaldy, - dedi basqarmada.
Polıtsııa QR Qylmystyq kodeksiniń 345-baby boıynsha sotqa deıingi tergeýdi bastady, saraptamalar taǵaıyndady.
Kólikter aıyp turaǵyna jiberildi.
