Pavlodar oblysynda jol apatynan 5 adam qaza boldy
PAVLODAR. QazAqparat - Pavlodar oblysynda jol-kólik oqıǵasynan bes adam qaza tapty, dep habarlaıdy Polisia.kz.
2020 jylǵy 29 tamyzda saǵat 11:20-da polıtsııaǵa jol apaty bolǵany týraly habar túsken. Oqıǵa ornyna jedel túrde Baıanaýyl aýdanynyń polıtsııa bóliminiń jedel-tergeý toby jetti.
Olar jol apatynyń «Qalqaman – Baıanaýyl – Úmitker» avtojolynyń 91 shaqyrymynda bolǵanyn anyqtady.
«VAZ 21713» avtokóligin tizgindegen Nur-Sultan qalasynyń turǵyny, joldyń qarsy betine shyǵyp ketip, Baıanaýyl turǵyny basqaryp kele jatqan «VAZ 21703» avtokóligimen soqtyǵysqan. Jol-kólik oqıǵasy saldarynan «VAZ 21713» avtokóliginiń júrgizýshisi jáne onyń úsh jolaýshysy, «VAZ 21703» avtokóliginiń bir jolaýshysy mert boldy. Taǵy eki adam jaraqat alyp aýrýhanaǵa tústi.
Atalǵan fakti boıynsha QR QK-niń 345-baby boıynsha sotqa deıingi tergeý bastaldy. Saraptamasy taǵaıyndaldy. Avtokólikter aıyppul turaǵyna qoıyldy.
