Pavlodar oblysynda jol apatynan 4 adam kóz jumdy
PAVLODAR. QazAqparat - Oblystyq densaýlyq saqtaý basqarmasynyń málimetinshe, apattan tórt adam qaza tapqan, dep habarlaıdy Pavlodarnews.kz.
Óńirlik densaýlyq saqtaý basqarmasynyń habarlaýynsha, 103 telefonyna Aqtoǵaı – Aqjol tas jolyndaǵy jol-kólik oqıǵasy týraly kýágerlerden qońyraý túsken. Jedeldiktiń birinshi sanaty boıynsha TJ ornyna Aqtoǵaı aýylynyń ortalyq aýdandyq aýrýhanasynyń jedel járdem brıgadasy jáne Jolboldy jáne Aqjol aýyldarynan medıtsına qyzmetkerleri jiberildi.
«Anyqtalǵandaı, jol apatynan 1977, 1960, 1949 jáne 1942 jyldary týǵan tórt adam zardap shekken, olardyń biri - Aqtoǵaı aýylynyń turǵyny jáne úsheýi - Aqjol aýylynyń turǵyny» , – dep habarlady basqarmada.
Oblystyq polıtsııa departamenti baspasóz qyzmetiniń habarlaýynsha, Aqtoǵaı aýdanyndaǵy Aqtoǵaı - Sholaqsor avtojolynyń 63 shaqyrymynda 43 jastaǵy VAZ 21041 avtokóliginiń júrgizýshisi traktor tirkemesimen soqtyǵysqan. MTZ traktoryn 47 jastaǵy júrgizýshi basqarǵan.
Atalmysh faktige qatysty tergeý bastaldy.
