Pavlodar oblysynda jol apatynan 3 adam qaza taýyp, ekeýi aýrýhanaǵa tústi
PAVLODAR. QazAqparat - Pavlodar oblysynda jol-kólik apaty saldarynan 3 jolaýshy qaza taýyp, eki júrgizýshi jaraqat aldy, dep habarlaıdy QazAqparat Rolisia.kz-ke silteme jasap.
Oqıǵa 7 qazan kúni saǵat 22.00-de Aqsý óńiriniń Syrlyqala aýylynyń janynda bolǵan. «Lenınskıı – Kýrchatov» avtojolynyń 55-shi shaqyrymynda 40 jastaǵy «Nıva» kóliginiń júrgizýshisi qaýipsiz qozǵalys jyldamdyǵyn saqtamaı, sol baǵytta jol jıeginde turǵan «KamAZ» 5320 mashınasynyń tirkemesimen soqtyǵysqan.
«Jol apaty saldarynan Nıva avtokóliginiń 40, 12 jáne 6 jastaǵy úsh jolaýshysy oqıǵa ornynda qaza tapty. Eki júrgizýshi aýrýhanaǵa jetkizildi», - dedi Pavlodar oblysy Polıtsııa departamenti bastyǵynyń birinshi orynbasary Jasqaırat Qaıyrov.
