Pavlodar oblysynda jol apatynan 3 adam qaza tapty
NUR-SULTAN. QazAqparat – Pavlodar – Qyzylorda tasjolynda jol-kólik oqıǵasy saldarynan 3 adam mert boldy. Odan bólek 2 zardap shekken adam aýrýhanaǵa jetkizildi, dep habarlaıdy QazAqparat tilshisi Pavlodar oblystyq polıtsııa departamentiniń baspasóz qyzmetine silteme jasap.
Jol apaty 6 sáýir kúni saǵat 16:45-te Ekibastuz qalasynan 20 shaqyrym jerde boldy.
«Pavlodar- Qyzylorda tasjolynyń 1279-shy shaqyrymynda 32 jastaǵy Chevrolet Cobalt markaly avtomobıldiń júrgizýshisi rýlge ıe bola almaı, kólikke soǵylyp, aýdaryldy. Apat saldarynan kóliktegi 1966, 1976 jáne 2008 jyly týǵan jolaýshylar sol jerde qaıtys boldy», - delingen habarlamada.
Polıtsııa departamentiniń málimetinshe, jaraqat alǵan kólik júrgizýshisi men taǵy bir jolaýshy aýrýhanaǵa jetkizildi.
«Atalǵan fakti boıynsha QR Qylmystyq kodeksiniń 345 babynyń 4 tarmaǵyna sáıkes sotaldy tergeý sharasy júrip jatyr», - deıdi atalǵan vedomstvodan.
Osyǵan deıin Pavlodar oblysynda Reseı azamattyǵyn alǵan zeınetker elden qýylǵany habarlanǵan bolatyn.
