Pavlodar oblysynda jol apatynan 2 adam qaza tapty
PAVLODAR. QazAqparat – Kólik apaty Pavlodar aýdany Shaqat aýylynyń janyndaǵy «Shaqat – Vostochnyı-Shaldaı» avtojolynda boldy, dep habarlaıdy QazAqparat tilshisi Pavlodar oblystyq polıtsııa departamentiniń baspasóz qyzmetine silteme jasap.
«30.04.2022 jyly saǵat 09:05–te Pavlodar aýdany Shaqat aýylynyń janyndaǵy «Shaqat – Vostochnyı-Shaldaı» avtojolynyń 2 shaqyrymynda «VAZ 2110» markaly avtokóliginiń 24 jastaǵy júrgizýshisi «GAZ 53» markaly avtokóligimen soqtyǵysqan. Jol kólik oqıǵasy saldarynan «VAZ 2110» avtokóliginiń jolaýshylary zardap shekti. 1987 jáne 1978 jyly týǵan 2 zardap shegýshi oqıǵa ornynda qaıtys boldy», - delingen resmı aqparatta.
Odan bólek, 1969 jyly týǵan jolaýshy jaraqatpen aýrýhanaǵa jetkizilgen.
«Avtokólikter arnaıy aıyp turaǵyna qoıyldy. Saraptama taǵaıyndalyp, tekserý amaldary júrip jatyr», - deıdi vedomstvodan.
Buǵan deıin Aqtaýda jol-kólik apatynan 2 adamnyń zardap shekkeni týraly habarlaǵan edik.
