Pavlodar oblysynda jeti sharýashylyq jaýapkershilikke tartyldy
ASTANA. QazAqparat - Pavlodar oblysynda ósimdikterdi qorǵaý salasynda zań buzǵan jeti sharýa qojalyq ákimshilik jaýapkershilikke tartylyp,185,5 myń teńge kóleminde aıyppul salyndy.
Bul týraly búgin oblystyq aýmaqtyq ınspektsııa basshysynyń orynbasary Jolaman Boranbaev óńirlik kommýnıkatsııalar qyzmetinde ótken baspsóz máslıhatynda aıtty, dep habarlaıdy pavlodarnews.kz .
«Jyl basynan beri barlyǵy 27 tekserý júrgizildi. Qazirgi jaǵdaı turaqty», - dedi Jolaman Boranbaev. «Qazirgi tańda sharýa qojalyqtardyń barlyǵy aramshóppen kúresý sharasyn júrgizýde. Kóktemnen beri mańdaı terin tógip otyrǵyzǵan eginin eshkim shiritkisi kelmeıdi. Sondyqtan, barlyǵy hımııalyq preparattardy qoldanady. Biraq, onyń ishinde de ruqsat etilgeni jáne tıym salynǵany bar. Osyny aıyra bilý kerek. Ekologııaǵa qaterli, jer qyrtysyna zııandy dárilerdi sebýge bolmaıdy. Onyń aldyn alý úshin sharýashylyqtardyń barlyǵy bizge osy salada qandaı jumys júrgizip jatqany jóninde esep berip otyrýy kerek. Esep bermegen sharýashylyqtar aıyppul arqalaıdy».
Jolaman Boranbaevtyń aıtýynsha, qalada hımııalyq preaparattar satatyn birneshe dúken bar. Ókinishke qaraı, ınspektsııa mamandarynyń olardy tikeleı tekserýge ruqsaty joq. Sonymen qatar, egis alqaptaryn aralap, qandaı dáriler qoldanylyp jatqanyn da baqylaı almaıdy. Tek qaǵaz júzinde ǵana tekserýge quqyly.
