Pavlodar oblysynda jeti adam kólik apatynan zardap shekti
PAVLODAR. QazAqparat – Pavlodar janyndaǵy Kenjekól jáne Baıdala aýyldarynyń arasynda jól-kólik apaty boldy. Apat saldarynan bes eresek adam jáne eki bala zardap shekti, dep habarlaıdy QazAqparat tilshisi.
Jedel járdem qyzmetiniń úsh mashınasy apat bolǵan jerge tórt mınýtta jetti. Zardap shekkender birinshi qalalyq aýrýhanaǵa jetkizildi.
«Úsh avtokólik soqtyǵysynan jeti adam zardap shekti. Jol-kólik oqıǵasy Kenjekól jáne Baıdaly aýyldarynyń arasynda boldy», - dep oblystyq jedel járdem stantsııasynyń baspasóz qyzmeti habarlady.
Dárigerlerdiń málimdeýinshe, 103 qyzmetiniń úsh medıtsınalyq brıgadasy birinshi jedeldilik sanaty boıynsha oqıǵa bolǵan jerge tórt mınýtta jetken. Soqtyǵysqan kólikter ishinde bolǵan jeti jolaýshy ártúrli jaraqatpen №1 Pavlodar qalalyq aýrýhanasyna jetkizildi.
«Olar 1980, 1989 jáne 1990 jyldary týǵan úsh er adam, 1987 jáne 1989 jylǵy eki áıel adam, olarmen birge 2008 jáne 2010 jylǵy eki bala», - dep málimdedi jedel járdemniń baspasóz qyzmetinen.
