Pavlodar oblysynda jedel járdem kóligi jol apatyna ushyrady

Oblystyq ІІD baspasóz qyzmeti málim etkendeı, oqıǵa búgin tańerteńgi 9:00 shamasynda oryn alǵan, dep habarlaıdy pavlodarnews.kz.

 «Pavlodar - Sharbaqty tas jolynda Jetekshi aýylynyń azamatyn aýrýhanaǵa alyp bara jatqan qyzmettik kólik jyraǵa túsip ketken», - deıdi baspasóz qyzmetinde.

 Sol baǵyt boıynsha qatynaǵan ózge de júrgizýshiler jedel járdem kóligin jyradan alyp shyǵýǵa kómek kórsetken. Abyroı bolǵanda, zardap shekkender joq. Densaýlyq saqtaý basqarmasy baspasóz qyzmetiniń usynǵan aqparatyna súıensek, naýqasqa búırek shanshýy dıagnozy qoıylǵan.

Aıta keteıik, ótken aptada Pavlodar-Ýspen respýblıkalyq avtojolynda, Reseı Federatsııasy shekarasynyń ýchaskesinde, Almaty-Novosibir baǵyty boıynsha "Volvo" kóligi isten shyqty. Ýspen aýdanynyń tótenshe jaǵdaılar bóliminiń qyzmetkerleri jergilikti atqarýshy organdardyń qyzmetkerlerimen birge qutqarý sharalaryn júrgizdi. Avtokólik júrgizýshilerine ystyq tamaq jáne jyly kıimder usynyldy. Kóliktiń tehnıkalyq aqaýy joıylǵannan keıin kólik saparyn jalǵastyrdy. Qutqarý sharalaryna TJD órt sóndirý jáne apattan qutqarý jumystary qyzmetinen júk avtomobılin súıreý úshin bir tehnıka ATs-40 (131) jáne jergilikti atqarýshy organdarynan eki adam jumyldyryldy.