Pavlodar oblysynda jasyryn oıyn klýby anyqtaldy

ASTANA. QazAqparat – Pavlodar oblysynda poker oınaıtyn jasyryn klýb anyqtalyp, uıymdastyrýshylarǵa qatysty tergeý bastaldy. Bul týraly QazAqparat Qarjylyq monıtorıng agenttiginiń baspasóz qyzmetine silteme jasap habarlaıdy.

«QMA Pavlodar oblysy boıynsha departamenti «Poker« qumar oıynyna arnalǵan astyrtyn klýbty zańsyz uıymdastyrý faktisi boıynsha sotqa deıingi tergeýdi bastady.

Jedel izdestirý is-sharalaryn júrgizý kezinde mekemede oıynshylar, qyzmet kórsetýshi personal, sondaı-aq oıyn kartalary, fıshkalar jáne oıynnyń basqa da atrıbýttary tabylyp, tárkilendi.

Sotqa deıingi tergep-tekserýdiń ózge de aqparaty QR QPK 201-babyna sáıkes jarııa etýge jatpaıdy», - delingen resmı habarlamada.

Vıdeodan alynǵan kadr