Pavlodar oblysynda Jańa jyldan keıin karantın qalaı ózgeredi
PAVLODAR. QazAqparat – Pavlodar oblysy bas sanıtarlyq dárigeriniń jańa qaýlysy jarııalandy. Ol 31 jeltoqsanda tún ortasynan bastap kúshine enedi, dep habarlaıdy QazAqparat Pavlodarnews.kz saıtyna silteme jasap.
Jańa qaýlyǵa sáıkes, úshinshi toqsannan bastap 300 oqýshyǵa deıingi qalalyq jáne aýyldyq mektepterde dástúrli formatta oqýǵa ruqsat etiledi. Biraq synyptardaǵy balalar sany 15 adamnan aspaýy kerek. Barlyq mektepterde 1-4-synyp oqýshylary qaıtadan mektepke oralady. Al bitirýshi synyptar aralas oqytýǵa kóshedi: pánderdiń 70 paıyzyn olar mektepte, qalǵandary qashyqtan oqıdy. Ekinshi semestrden bastap kolledjder men joǵary oqý oryndarynyń birinshi kýrs stýdentteri shtattyq oqýǵa kirisedi.
Sonymen qatar, meshitter men shirkeýler qaıtadan jumys isteıdi. Biraq áli de ujymdyq is-sharalarsyz jáne tolymdylyǵy 30 paıyzdan aspaýy tıis.
Sondaı-aq muz korttarynyń qyzmetine ruqsat berildi. Bul rette jabyq korttarda bir kelýshige keminde bes sharshy metr muz bolýy tıis, al ashyq korttarda keminde eki metr qashyqtyqty saqtaý qajet.
«Osy qaýly 2020 jylǵy 31 jeltoqsanda saǵat 00:00 –den bastap kúshine enedi», - delingen bas sanıtarlyq dárigerdiń habarlamasynda.
Jańa qaýly týraly tolyǵyraq myna jerden oqýǵa bolady.
