Pavlodar oblysynda jańa joba dárigerlerge túsetin júktemeni 32% azaıtty
Óńir basshysy qalanyń birqatar medıtsınalyq mekemeleri - №3 jáne №4 emhanalaryna jáne «Almaz Medical Group» JShS bardy.
«Úzdik tájirıbeler ortalyǵy» jobasy - alǵashqy medıtsınalyq-sanıtarlyq kómek jumysyn qaıta formattaýdyń jańa quraly.
Onyń maqsaty - emhanaǵa júginetin halyq aǵynyn retteý arqyly dárigerlerge, ýchaskelik qyzmetterge jáne tirkeý keńsesine túsetin júktemeni azaıtý.
Búgingi tańda joba Pavlodar, Ekibastuz jáne Aqsýdaǵy 8 emhanada iske asyrylyp, oń nátıjelerge qol jetkizildi.
Osylaısha, medbıke beketi men onlaın keńesterdi engizý ýchaskelik qyzmettiń jumysyn qaıta formattaýǵa múmkindik berip, júktemesin 32% azaıtty.
Asaıyn Baıhanov emhanalarǵa barǵannan keıin medıtsınalyq mekemelerdiń basshylarymen keńes ótkizip, árbir em alýshyǵa sapaly qyzmet kórsetýdiń basymdyǵyn belgiledi.
Densaýlyq saqtaý basqarmasyna emhanalardy odan ári materıaldyq-tehnıkalyq jaraqtandyrý, kadrlar tapshylyǵyn sheshý, onyń ishinde «asa qajet» mamandardy jumysqa alý boıynsha jumysty jalǵastyrýdy tapsyrdy.
Sondaı-aq, bas dárigerlerge shaǵyn aýdandardyń turǵyndary úshin «qadamdyq» qoljetimdilikte ortalyqtar ashý máselesin pysyqtaý tapsyryldy.
Foto: Valerıı Býgaev
