Pavlodar oblysynda jalǵan memlekettik nómiri bar 80-ge jýyq júrgizýshi jazalandy
PAVLODAR. QazAqparat - Pavlodar oblysynda jyl basynan beri polıtseıler jalǵan memlekettik tirkeý nómiri bar avtokólik júrgizgeni úshin 80 -ge jýyq júrgizýshini jaýapqa tartqan, dep habarlaıdy QazAqparat Pavlodarnews.kz-ke silteme jasap.
Polıtseılerdiń sózine qaraǵanda, ár jaǵdaıda tártip buzýshylar jalǵan nómirdiń qaıdan kelgenin, tipti jalǵan nómirmen kólik júrgizgenderin de bilmeıtindikterin aıtyp, aqtalady.
- Bul buzýshylyq QR AAO 4 bóliginiń 590 babynda kózdelgen, ol 20 AEK mólsherinde aıyppul salýǵa nemese kólik quraldaryn júrgizý quqyǵynan bir jylǵa aıyrýǵa ákep soǵady. Tek eki aptanyń ishinde patrýldik polıtsııa rotasynyń ınspektorlary osyndaı 14 zań buzýshylyqty anyqtady», - deıdi oblystyq patrýldik polıtsııa komandıriniń mindetin atqarýshy Adlet Mergazın.
Onyń aıtýynsha, jaqynda oblys ortalyǵynda Vorýshın men Gagarın kósheleriniń qıylysynda polıtseıler jalǵan memlekettik nómiri bar VAZ 2123 kóligin toqtatqan. Atalǵan faktige sáıkes 60 jastaǵy júrgizýshige qatysty QR OAA 590-babynyń 4-bóligi boıynsha ákimshilik is qozǵaldy.
Dál osylaı Kamzın men Lomov kósheleriniń qıylysynda polıtseıler Toyota Camry kóligin baıqady, onyń júrgizýshisi bile tura jalǵan memlekettik tirkeý nómirleri bar kólikti júrgizgen.
Eki jaǵdaıda da QR ÁQBtK -niń 590 -babynyń 4 -bóligi boıynsha ákimshilik is qozǵaldy. Materıaldar sotqa jiberildi, al kólikter aıyp turaǵyna qoıyldy.
