Pavlodar oblysynda jalǵan aqparat taratqan aýyl turǵyny jazalandy
PAVLODAR. QazAqparat – Sot sheshimimen er adam 15 táýlikke qamaldy, dep habarlaıdy QazAqparat tilshisi.
«29 naýryzda WhatsApp messendjerinde belgisiz bireý «ıÝjnyı jáne Baıanaýyl aýyldarynyń on kúnge karantınge jabylatyny, joldardyń jabyq ekeni» jaıynda dybystyq habarlama taratqan. Polıtsııa departamenti bul aqparattyń shyndyqqa janaspaıtyny men feık bolyp tabylatynyn málim etti», - dep habarlady tilshilerge Pavlodar oblystyq polıtsııa departamentinen.
Baıanaýyl aýdanynyń tártip saqshylary áleýmettik jelide dybystyq habarlama taratqan avtordy anyqtady. Ol 1974 jyly dúnıege kelgen aýyl turǵyny bolyp shyqty.
Ustalǵan er adamnyń aıtýynsha, bul habardy ol úıde jazyp, «Odnoklassnıkı 74» tobyna jibergen. Atalǵan fakti boıynsha er adamǵa qatysty QR Ákimshilik quqyqbuzýshylyqtar týraly kodeksiniń 478-baby boıynsha ákimshilik óndiris qozǵaldy. Materıal Baıanaýyl aýdanynyń sotynda qaraldy. Onyń sheshimimen, aýyl turǵyny 15 táýlikke ákimshilik qamaýǵa alynady.
