Pavlodar oblysynda zańsyz bulan aýlaý faktisi anyqtaldy

PAVLODAR. QazAqparat – Polıtseıler avtojoldan Jelezın aýdanynyn turǵynyn toqtatqan. Odan bulannyń múıizi, basy, eti jáne eki uńǵyly myltyq tárkilengen, dep habarlaıdy QazAqparat.

«Zańsyz tasymaldaýshy» jedel-aldyn alý is-sharasy barysynda Jelezın polıtsııa bólim ýchaskelik ınspektorlary Lesnoe-Kýzmıno avtojolynda Razdelnoe aýylynyń mańynda patrýldeý kezinde Jelezın aýdany turǵyny tizgindegen «VAZ 2113» markaly avtokóligin toqtatyp, ustaǵan. Onyń júk salǵysh bóligin tekserý kezinde bulannyń múıizi, basy jáne eti tabylǵan», - dep habarlady Pavlodar oblysy polıtsııa departamentiniń baspasóz qyzmeti.

Sondaı-aq tártip saqshylary «IJ-13» jáne «IJ-27 E» markaly eki uńǵyly ańshylyq myltyqtar men oqtar tárkilegen.

Bul myltyqtar ańshylyqpen aınalysatyn aýyl turǵynynyń atyna tirkelgen.

«Al aýyl turǵynynyń janýardyń osy túrin aýlaýǵa ruqsat qujattary bolmaǵan. Zańsyz ań aýlaý faktisi boıynsha QR QK 337-baby boıynsha sotqa deıingi tergeý júrgizilýde», - dep tolyqtyrdy vedomstvodan.

Saraptama taǵaıyndaldy. Avtokólik arnaıy aıyp turaǵyna qoıyldy.