Pavlodar oblysynda zańsyz aǵash kesken bas ınspektor qolǵa tústi
ASTANA. QazAqparat - Pavlodarlyq polıtseıler «Ertis-ormany» tabıǵı rezervaty Baýyrtal ormanshylyǵynyń zańsyz aǵash kesken bas ınspektoryn ustady, dep habarlaıdy pavlodarnews.kz.
Oblystyq ІІD baspasóz qyzmetiniń málimetinshe, Sharbaqty aýdany jergilikti polıtsııa qyzmetiniń tártip saqshylary orman ónimderin urlady degen kúdikpen 48 jastaǵy er adamdy ustaǵan. Ol bekitilgen aýmaqta ormandy qorǵaýdyń ornyna aldyn ala 33 jastaǵy aýyldasymen mámilege kelip, qaraǵaı tuqymdas 14 aǵashty kesken. Sondaı-aq, Ertis aýdany polıtsııa ınspektory Ertis aýylynda 32 jastaǵy er adam tizgindegen «VAZ-21061» markaly kólikti toqtatyp, kesilgen tal tıelgenin anyqtaǵan. Buǵan qosa, polıtseıler Ertis ózeniniń alqabynda 35 jastaǵy er adamdy qolǵa túsirdi.
«Olar óz isterin tolyǵymen moıyndap, aǵash urlyǵyna úılerin jylytý úshin barǵandaryn aıtqan. Oqıǵa ornynan qylmys quraldary men zattaı aıǵaqtar alynyp, atalmysh fakti boıynsha QR QK-niń 187-baby jáne 340-baby boıynsha sotqa deıingi tergeý júrgizilýde, - dedi baspasóz qyzmetinde.
