Pavlodar oblysynda zań buzǵan 4 nysannyń jumysy toqtatyldy
PAVLODAR. QazAqparat - Pavlodar oblysynda birinshi jartjyldyq ishinde ekologııalyq zańnamanyń talaptaryna saı kelmeıtin 116 aqaý anyqtalyp, 7 mln 712 myń teńge kóleminde 113 aıyppul salyndy, dep habarlaıdy QazAqparat tilshisi.
«2018 jylǵy birinshi jartyjyldyqta 968,5 myń tonna lımıtinen aýaǵa 344,83 myń tonna qaldyq taraǵan. Bul ótken jyldyń uqsas merzimimen salystyrǵanda 47 myń tonnaǵa kóp. Buǵan jylýenergetıkalyq kásiporyndardaǵy jylý energııasynyń óndirilý kóleminiń ósýi sebep bolyp otyr», - deıdi Pavlodar oblystyq ekologııa departamenti basshysynyń orynbasary Jomart Karımov.
Bolat Nurjanov atyndaǵy «Ekibastuz GRES-1» JShS-da 2017 jylmen salystyrǵanda, jylý energııasy 52 paıyzǵa kóp óndirilgen. Sondyqtan, aýaǵa taralǵan qaldyqtyń kólemi 40,2 tonnaǵa nemese 62 paıyzǵa ósken.
«Departament ekologııalyq turǵydan problemaly kásiporyndardyń sanıtarlyq qorǵaý aımaǵy shekarasyndaǵy atmosferalyq aýanyń sapasyn baqylaýǵa kúsh salady», - dedi J. Karımov.
Onyń aıtýynsha, departament 2018 jylǵy birinshi jartyjyldyqta 80 ret tekseris júrgizgen. Nátıjesinde ekologııalyq zańnamaǵa qarsy 116 aqaý anyqtalyp, jalpy somasy 7 mıllıon 712 myń teńgeni quraǵan 113 aıyppul salynǵan. Qazirgi tańda 3 mıllıon 999 teńge kóleminde 74 aıyppul óndirilip alyndy. Budan bólek, shamamen 53 mıllıon 207 myń teńge kólemindegi ekologııalyq shyǵyndy óteý úshin 18 nusqama taratylǵan.
Pavlodar oblysy ekologııa departamenti basshysy orynbasarynyń aıtýynsha, sot sheshimimen ekologııalyq talaptarǵa qaıshy jumys jasaıtyn tórt nysannyń jumysy toqtatylǵan. Tabylǵan aqaýlarǵa qaldyqtarmen jumys jasaýda ekologııalyq talaptardy oryndamaý jatady.
Ekologııa departamentiniń málimetterine súıensek, Pavlodar oblysynda 337 tabıǵı qatty turmystyq qaldyqtar tógetin zańsyz oryn anyqtalǵan.
