Pavlodar oblysynda ys tıgen bala qaıtys boldy
PAVLODAR. QazAqparat - Pavlodar oblysynyń Aqtaý qalasyndaǵy páterlerdiń birinde órt bolyp, 2012 jyly týǵan bala aýrýhanaǵa jetkizilgen, biraq onyń ómirin saqtap qalý múmkin bolmady, dep habarlaıdy QazAqparat tilshisi.
«9 naýryz kúni 17:01-de Aqsý qalasynyń Qamzın kóshesindegi bes qabatty turǵyn úıdiń ekinshi qabatynda órt bolyp, bes sharshy metr aýdandy sharpydy. Jalyn 17:15-te aýyzdyqtalyp, 17:20-da tolyqtaı sóndirildi. Ys tıgen 2012 jylǵy bala aýrýhanaǵa jetkizildi, alaıda ol jansaqtaý bóliminde qaıtys boldy», - delingen Pavlodar oblysy TJD baspasóz qyzmetiniń habarlamasynda.
Aldyn ala derekterge qaraǵanda, qaıǵyly oqıǵaǵa balanyń órtpen oınaýy sebep bolǵan. Órtti sóndirýge TJD toǵyz qyzmetkeri men úsh tehnıkasy jumyldyryldy, sondaı-aq oqıǵa ornyna kezekshi jedel tergeý tobynyń úsh mamany attandy.
