Pavlodar oblysynda Volonterler jylynyń qorytyndysy shyǵaryldy
Saltanatty kezdesý Jastar bastamalaryn damytý ortalyǵynda ótti. On bir volonterlik uıymnyń ókilderi shaǵyn kórme uıymdastyryp, jcs jyldaǵy jetistikteri týraly aıtty.
«Klýba dobrıakov Pavlodara» uıymynyń belsendileri volonterlik qyzmetke balalardy tarta bastaǵandaryn aıtty. Ata-analardyń kómegimen «Klýb dobrıakov KIDS» ózderiniń aǵa joldastarynyń barlyq jobalaryna qatysady. Eriktilerdiń aıtýynsha, mundaı tájirıbe jas urpaqtyń álemge jáne basqa adamdardyń qıyndyqtaryna degen durys kózqarasyn qalyptastyrady.
Óńir basshysy Ábilqaıyr Sqaqov qoǵam belsendileri men eriktilerdi «Halyq alǵysy» medaldarymen jáne alǵys hattarymen marapattady.
Shala týǵan sábılerge arnap júnnen kıim toqıtyn «28 petel» klýbynda 30-dan astam pavlodarlyq bar.
«Biz týǵan kezde salmaǵy 500-den 2000 grammǵa deıingi balalarǵa arnalǵan zattar toqımyz. Bul zattar jylý beredi jáne emdik qasıetterge ıe», - dedi qoǵamdyq qordyń úılestirýshisi Mahabbat Óteýova.
Basqa da qoǵam belsendileri - «VITA» jasaǵynyń izdeýshileri bıylǵy jyly «Ómir súrý mektebi» jobasyn júzege asyrǵandaryn aıtty. Eriktiler óńirdiń 25 oqý ornynda bilim berdi.
«Bıyl bizdiń uıymnyń kúshimen 100-den astam adam tabyldy. Budan basqa bizdiń paraqshalardyń qoǵamdyq oryndar men áleýmettik jelilerde taratylýynyń arqasynda kóptegen adamdar úılerine óz betinshe oralady», - dep bólisti «VITA» otrıadynyń izdestirý jónindegi úılestirýshisi Lıýdmıla Bylınına.
Pavlodar oblysynyń ákimi barlyq erikti uıymdarǵa alǵysyn bildirip, Volonter jyly aıaqtalǵannan keıin de qoǵam ókilderimen jumys toqtamaıtynyn eske saldy.
«Volonterlik jasqa bólinbeıdi - ótip bara jatqan jyl osyny dáleldedi. Jaqyn mańdaǵy adamdarǵa qandaı da bir kómek qajet bolǵan kezde balalar da, jastar da, eresekter de shette qalmady. Qaıyrymdylyq, meıirimdilik pen izgilik - bizdiń óńirimizdiń jáne búkil el turǵyndarynyń erekshe qasıetteri. Bizde shyn máninde júregi úlken adamdar turady. Men sizderge taǵy da alǵys bildirgim keledi», - dedi Ábilqaıyr Sqaqov jıylǵan qaýymǵa.
Eń belsendi volonterlik uıymdarǵa óńir basshysy alǵys hattaryn tabystady, al «Jebe» qorynyń ókili Asylbek Týǵanbaı men «VITA» Pavlodar izdeý jasaǵynyń jetekshisi Ekaterına Kýdrıavtseva «Halyq alǵysy» medaline ıe boldy.
