Pavlodar oblysynda ujym qyzmetkerleriniń 80 paıyzy qashyqtan jumys isteýge kóshirildi
NUR-SULTAN. QazAqparat – Pavlodar oblysynda ujym qyzmetkerleriniń 80 paıyzy qashyqtan jumys isteýge kóshirildi. Bul týraly búgin Úkimet otyrysynda Pavlodar oblysynyń ákimi Ábilqaıyr Sqaqov aıtty, dep habarlaıdy QazAqparat tilshisi.
«Ótken aptada oblysta koronavırýstyń 932, ótken táýlikte 125 jaǵdaıy tirkeldi. Densaýlyq saqtaý júıesine júkteme baıqalmaıdy. Infektsııalyq tósek-oryndardyń júktemesi 35 paıyzǵa jetpeıdi. Al reanımatsııalyq tósek-oryndar júktemesi 17 paıyzdy quraıdy. Ókpeni jasandy jeldetý apparattaryna 13 patsıent qosylǵan. Ottegi, basqa da jabdyqtar, medıtsınalyq personaldyń qajetti sany bar. Alǵashqy medıtsınalyq býyn jumysy kúsheıtildi. Emhanalar janynda 175 mobıldi brıgada jumys isteıdi. Statsıonarlarda 45 kúnge jetetin dárilik zattar qory bar. PTR testileý júrgizetin 6 zerthana jumys istep tur», - dedi oblys basshysy.
Onyń atap ótýinshe, óńirde vaktsınanyń birinshi komponentimen 51 077 adam, ekinshi komponentpen 14 myń adam ekpe aldy. Oblys boıynsha barlyǵy 135 vaktsınatsııalaý pýnkti bar. Onyń ishinde 17 medıtsınalyq mekemeden tys 37 kóshpeli brıgada jumys isteıdi. Olar eńbek ujymdarynyń shaqyrýmen vaktsına salady. Jyljymaly medıtsınalyq keshender de jumys istep jatyr.
«Oblys qazir «qyzyl» aımaqta. Kesheden óńirde kúsheıtilgen karantındik is-sharalar engizildi. Oblysaralyq jáne oblysishilik tasymaldardyń kópshiligi toqtatyldy. Ujym qyzmetkerleriniń 80 paıyzy qashyqtan jumys isteýge kóshti. Qoǵamdyq tamaqtaný jáne saýda nysandaryna barýǵa ýaqytsha jáne sandyq shekteýler, basqa da is-sharalar engizildi», - dedi Ábilqaıyr Sqaqov.
