Pavlodar oblysynda uıaly baılanys, jol joq aýyl bar

NUR-SULTAN. QazAqparat –Pavlodar oblysynyń ákimi Ábilqaıyr Sqaqovtyń Aqqýly aýdanyndaǵy kezdesine kelgen kelgen turǵyn aýylda uıaly baılanys joq ekendigin aıtty, dep habarlaıdy Pavlodarnews.kz.

«Osy jerden 100 shaqyrymdaı jerde ornalasqan Jabaǵyly aýylynda sheshimin tappaı kele jatqan eki ózekti másele bar. Onyń biri – jol, ekinshisi – uıaly baılanys. Kezinde Maıqaraǵaı sovhozynda bes myń qara mal bolǵan. Onyń 2,5 myńy Shoqtalda bolsa, 2,5 myńy bizde bolǵan. Qazirgi tańda da 2,5 myń qara maldy biz ustap otyrmyz. 7-8 sharýa qojalyǵy bar. 42 otbasy, 250 adam turady. Jańa mektep, klýb, shóp, sý máselesi sheshilgen. Jyldyń alty aıynda ǵana durys júre alamyz. Qysta boran, kúz ben kóktemde batpaq. Buǵan qosa, uıaly baılanys joq. Jolda qalyp qoıamyz. Qysta adam aýyryp qalǵanda aýdannan sanıtarlyq kólik kele almaıdy», dedi aýyl turǵyny Arnaı Belgibaev ákimge.

Bul máselege qatysty Ábilqaıyr Sqaqov jaǵdaıdy baqylaýǵa alyp, ári qaraı sheshý jolyn qarastyrýdy tapsyrdy.
«Aýyl - el besigi» memlekettik baǵdarlamasy sheńberinde oblys boıynsha 70 aýyldy qalpyna keltirdik. Jol, jaryqtandyrý, sý, áleýmettik nysandar máselesi sheshimin tapty. Bul baǵdarlama sońǵy eki jylda iske asyrylýda. Memleket qarajatynyń 80 paıyzy turaqty aýyldarǵa bólinedi. Búginde turǵyndardan kelip túsken 75 suraqtyń ishinde basym bóligi ınfraqurylymǵa qatysty, - dedi oblys ákimi.

Sondaı-aq aımaq basshysy ákimderdiń reıtıngi jol máselelerin sheshýge baılanysty baǵalanatyn aıtyp, bul suraqqa jaýapkershilikpen qaraý kerek ekenin atap ótti.
Aqqýly aýdanynyń ákimi Abzal Balǵabaev Jabaǵyly aýylyna baratyn joldyń qurylysy bıyl bastalatynyn jetkizdi.