Pavlodar oblysynda úsh kólik soqtyǵysty
NUR-SULTAN. QazAqparat – Pavlodar oblysynda úsh avtokólik apatqa ushyrady, dep habarlaıdy QazAqparat Polisia.kz saıtyna silteme jasap.
Instagram áleýmettik jelisine monıtorıng jasaý barysynda kúre jolda jol-kólik oqıǵasy túsirilgen jarııalanym anyqtalǵan. Oqıǵa ornyna kelip jetken polıtsııa qyzmetkerleri 22 jeltoqsan kúni saǵat 16:30 shamasynda «Volvo» kóliginiń 36 jastaǵy júrgizýshisi «Omby-Qyzylorda» tas jolynda, Tórt qudyq aýylynyń mańynda «Hyundai Creta» kóligimen soqtyǵysqanyn anyqtady.
Soqtyǵysýdan keıin «Hyundai Creta» qozǵalys traektorııasyn ózgertip, «Daf Fas XF»kóligimen soqtyǵysqan. Jol-kólik oqıǵasy saldarynan úsh kólik quraly mehanıkalyq zaqym alyp, abyroı bolǵanda, júrgizýshileri men jolaýshylary dene jaraqattaryn alǵan joq. Polıtseıler jol apatynan bolǵan kólik keptelisin taratty.
Atalǵan faktimen «Volvo» kóliginiń júrgizýshisine qatysty QR Qylmystyq quqyqbuzýshylyqtar týraly kodeksiniń 610-babymen ákimshilik óndiris qozǵaldy.
Polıtsııa departamenti aýa raıy jaǵdaıynyń nasharlaýyna baılanysty alys jolǵa shyqpaı, aýa raıy týraly habarlamalarǵa nazar aýdarýǵa keńes etedi.
