Pavlodar oblysynda úsh aıda 9,5 myń adam jumystan ketken
PAVLODAR. QazAqparat - Pavlodar oblysynda úsh aıda 9,5 myń adam jumystan ketken. Olardyń basym bóligi atqaryp júrgen qyzmetterinen óz erikterimen bas tartypty, dep habarlaıdy «Habar 24».
Al keıbiri eńbek tártibin buzǵan. Basqa óńirlerge qonys aýdarǵan, zeınetke shyǵyp ketken adamdardyń da orny bos qalyp jatyr. Jalpy eńbek turaqsyzdyǵy kóptegen salalarda baıqalady. Óndiris, áleýmettik mekemeler, memlekettik qyzmetshiler, tipti laýazymdy qyzmet basshylary da oryndaryn bosatqan.
Kadr tapshylyǵy ásirese aýdandarda ótkir turǵan másele. Oblys ortalyǵyna jaqyn ornalasqan Ýspen jáne Sharbaqty aýdandarynyń ákimshiliginde shtattyq oryndardyń 23 protsenti bos. Al Pavlodar qalasy ákiminiń apparatynda 47 oryn bar. Onyń 12-si basshylyq qyzmetter.
«Búgingi tańda Pavlodar oblysynda memlekettik qyzmette 550-den astam bos oryn bar. Onyń ishinde jergilikti atqarýshy organdarda 320 bos laýazym jáne ortalyq memlekettik organdardyń aýmaqtyq bólimshelerinde 239 bos oryn bar. Sonymen qatar bos oryndardyń 16 paıyzyn basshy qyzmetkerler quraıdy», - Memlekettik qyzmet isteri agettiginiń oblys boıynsha departamentiniń basqarma basshysy Sánııa Hasenova.
