Pavlodar oblysynda úsh aıda 9,3 myń adam jumyssyz qaldy
PAVLODAR. QazAqparat - Pavlodar oblysynda úsh aıda 9,3 myń adam jumystan shyǵyp qaldy. Olardyń basym bóligi óz erkimen jáne eńbek tártibin buzýyna baılanysty qyzmetinen ketken, dep habarlaıdy QazAqparat pavlodarnews.kz saıtyna silteme jasap.
Statıstıka departamentiniń málimetine sáıkes, bıylǵy II toqsanda oblystyń iri jáne orta kásiporyndary men uıymdaryna 9,1 myń adam jumysqa qabyldanyp, 9,3 myń adam túrli sebeptermen qyzmetinen bosaǵan. Olardyń 90 paıyzy óz erkimen jáne eńbek tártibin buzǵany úshin, 1 paıyzy personal sanynyń qysqartylýy men kásiporynnyń taratylýyna baılanysty jumystan ketken. Laýazymyna nemese oryndap otyrǵan jumysyna sáıkes kelmeýi, biliktiliginiń jetispeýi, sondaı-aq basqa sebeptermen - 9 paıyzdy qurady.
Oblys boıynsha jumys
kúshin almastyrý koeffıtsıenti 98,2 paıyzǵa jetti. Qabyldaý boıynsha aınalym
koeffıtsıenti 6,3 paıyzdy, jumystan bosatylý boıynsha aınalym koeffıtsıenti – 6,4
paıyzdy, jumys kúshiniń turaqsyzdyq koeffıtsıenti – 5,7 paıyzdy qurady.
