Pavlodar oblysynda úsh aýyldyń ataýy ózgerdi
PAVLODAR. QazAqparat - Pavlodar oblysynda úsh aýyldyń ataýy ózgerdi, dep habarlaıdy QazAqparat pavlodarnews.kz saıtyna silteme jasap.
Atap ótilgendeı, mundaı sheshim 26 qyrkúıek kúni ótken Pavlodar oblystyq máslıhatynyń kezekti sessııasynda qabyldandy. Aýyl turǵyndarynyń ótinishin onomastıkalyq komıssııa qarastyryp, depýtattar qoldady.
Osylaısha, Baıanaýyl aýdanynyń Sátbaev aýyldyq okrýginde eki eldi mekenniń ataýy ózgertildi.
«Teńdik aýyly - Musa Shorman aýyly, Qaraaşy - Qanysh Sátbaev aýyly bolyp qaıta ataldy», - dedi oblystyq tilderdi damytý jónindegi basqarmasynyń basshysy Sáýle Osmanova.
Sondaı-aq Jańajol aýyly Máshhúr Júsip aýyly bolyp ózgerdi.
Eske salaıyq, bıyl Pavlodar oblysynda «Rýhanı jańǵyrý» aıasynda Musa Shormannyń 200 jyldyǵy atalyp ótti. Mereıtoıy sheńberinde Teńdik aýylynda tulǵaǵa eskertkish ornatyldy. Joba demeýshilerdiń esebinen júzege asyryldy.
Sonymen qatar, bıyl Baıanaýyl aýdanynda Ertis óńiriniń qaıtalanbas tulǵasy Máshhúr Júsip Kópeıulynyń 160 jyldyǵy jáne aqyn, aǵartýshy Sultanmahmut Toraıǵyrovtyń 125 jyldyǵy da toılanǵan bolatyn.
