Pavlodar oblysynda unnan jasalǵan ónimder arzandady, biraq sút, kókónis jáne jemis qymbattady - statıstıka
PAVLODAR. Qazannyń 25-i. QazAqparat /Vera Lıvıntsova/ - Pavlodar oblysynda aǵymdaǵy jyldyń 9 aıynda tutyný baǵalarynyń ındeksi 105,9 paıyzdy qurady, dep habarlady statıstıka departamentinen.
Azyq-túlik taýarlarynyń baǵasy - 5,2 paıyzǵa, azyq-túliktik emes taýarlar - 3,5 paıyzǵa, aqyly qyzmetter - 8,9 paıyzǵa qymbattady.
Atap aıtqanda, oblystyń tutyný naryǵynda nan-toqash jáne jarma ónimderiniń baǵasy 0,1 paıyzǵa tómendep otyr. Untaq jarmasy -12,1 paıyzǵa, nan - 7,9 paıyzǵa, kúrish - 1,8 paıyzǵa, vermıshel - 0,8 paıyzǵa arzandady.
Al esesine sút ónimderi 6,5 paıyzǵa qymbattady. Onyń ishinde, sút - 5,8 paıyzǵa, qaımaq - 13,9 paıyzǵa, aıran - 17,5 paıyzǵa qymbattady. Jemis jáne kókónis baǵalary 12,7 paıyzǵa ósti.
Qańtar-qyrkúıek aılarynda sondaı-aq kúnbaǵys maıynyń baǵasy - 10,2 paıyzǵa, et jáne et ónimderi - 7,8 paıyzǵa, balyq jáne teńiz ónimderi - 4 paıyzǵa, qant - 4,8 paıyzǵa qymbattady.
Aqyly qyzmetterdyń baǵasy 8,9 paıyzǵa ósti. Onyń ishinde, jolaqy - 9,7 paıyzǵa, turǵyn úı-kommýnaldyq qyzmet tarıfteri - 10,1 paıyzǵa, bilim berý qyzmetteri - 18,2 paıyzǵa artty. Farmatsevtıkalyq preparattardyń baǵasy -15,7 paıyzǵa, keńse taýarlary - 7,2 paıyzǵa, benzın - 4,2 paıyzǵa, kıim-keshek pen aıaq kıim - 2,7 paıyzǵa qymbattasa, tsement - 17,4 paıyzǵa, dızel tyny - 8 paıyzǵa arzandady.
Jáne jan basyna shaqqandaǵy negizgi azyq-túlikterdiń ortasha mınımaldyq tutyný normasy qyrkúıek aıynda 13058 teńgeni qurap otyr, bul respýblıka boıynsha ortasha kórsetkishten 9 paıyzǵa tómen.
