Pavlodar oblysynda túıe sany azaıǵan
PAVLODAR. QazAqparat -2019 jyldyń 1 qańtardaǵy jaǵdaı boıynsha óńirde túıe basy 12,9%-ǵa azaıǵan, dep habarlaıdy pavlodarnews.kz.
Bul týraly oblystyq statıstıka departamentiniń baspasóz qyzmeti habarlady. - Aýyl sharýashylyǵy taýar óndirýshilerdiń barlyq sanattarynda jylqy sany ótken jylǵy sáıkes kezeńmen salystyrǵanda 10,2%-ǵa, iri qara mal - 4,5%-ǵa, qustar - 15%-ǵa, shoshqa - 13,9%-ǵa, qoı men eshki - 1,9%-ǵa ósti.
Іri qara mal, jylqy basy sanynyń eń joǵary úlesi Baıanaýyl aýdanynda tirkeldi, sáıkesinshe oblystyq kórsetkishten 15,9%, 20,8%-dy qurady. Shoshqanyń edáýir sany Pavlodar qalasyna qarasty eldi mekenderde 33,6% shoǵyrlanǵan, qoı men eshki Maı aýdanynda - 17,5%, al qus sany Sharbaqty aýdanynda - 27,1%, - dep jazylǵan habarlamada. Aýyl sharýashylyǵy maly negizinen jurtshylyq sharýashylyqtarynda shoǵyrlanǵan: qoı men eshki 67,9%, iri qara mal - 51,3%.
Jylqy basy sharýa nemese fermer qojalyqtaryndaǵy jáne jeke kásipkerlerde (jalpy sanynan 50,2%), qus basy (jalpy sanynan 70,4%) jáne shoshqa (jalpy sanynan 60,8%) aýyl sharýashylyǵy kásiporyndarynda tirkelgen.
2017 jylmen salystyrǵanda ettiń barlyq túrleriniń tirideı salmaqta óndirý 3,9%-ǵa kóbeıdi. Saýylǵan sút 3,3%, alynǵan jumyrtqa 25,7%-ǵa ósti. Jún óndirisi 5,4%-ǵa azaıdy.
