Pavlodar oblysynda túrmede otyrǵan sottalýshy taǵy qosymsha merzim aldy
ASTANA. Mamyrdyń 20-sy. QazAqparat /Ernur Aqanbaı/ - Pavlodar oblysynda túrmede otyryp, adamdardy aldaý arqyly qylmystyq kásibin jalǵastyrǵan sottalýshy qosymsha merzim aldy,
dep habarlaıdy QazAqparat.
«Pavlodar oblysynda túzeý mekemesinde jazasyn óteı otyryp, óziniń uıaly telefonynyń shotyn ańqaý azamattardyń esebinen toltyryp otyrǵan Qyryqbaev 7 jylǵa sottaldy», dedi búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttigniń (qarjy polıtsııasy) resmı ókili Murat Jumanbaı.
Onyń aıtýynsha, sottalýshy ózin «Mobıl+» fırmasynyń dırektory retinde tynystyryp, azamattarǵa páter utyp alǵandyqtary týraly habarlaǵan. Al, aldanǵan azamattarǵa utysty uıaly baılanysty qolma-qol tóleý kartalarynyń nómirlerin usynǵasyn baryp alatyndaryna sendirgen.
