Pavlodar oblysynda túrme bastyǵy para alǵan

NUR-SULTAN. QazAqparat – Pavlodar oblysynda qylmystyq atqarý júıesi mekemesi bastyǵynyń mindetin atqarýshy para alǵan, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

«Pavlodar oblysy boıynsha Sybaılas jemqorlyqqa qarsy is-qımyl departamenti oblystaǵy Qylmystyq-atqarý júıesi departamentiniń Ózindik qaýipsizdik qyzmetimen birlesip óńirdegi qylmystyq atqarý júıesi mekemesi bastyǵynyń mindetin atqarýshy, ádilet maıorynyń para alǵanyn anyqtady», delingen habarlamada.

Maıor sottalǵandardyń birimen sóz baılasyp, jekemenshik kompanııa dırektorynan túrmedegilermen jeke eńbek shartyn jasaǵany úshin 250 myń teńge para alǵan.

Kúdikti kinásin moıyndap, protsestik kelisimge kelý týraly ótinim bergen.

Tekserý jalǵasyp jatyr. Kúdiktilerge qatysty sońǵy úkimdi sot shyǵarady.