Pavlodar oblysynda turǵyndardan qaryz alǵysh aýyl ákimi qyzmetinen qýyldy
PAVLODAR. QazAqparat - Pavlodar oblysynyń Ýspen aýdany Novopokrovka aýyldyq okrýginiń ákimi Dýlat Súılemenov turǵyndardan qaryz alyp, olardy qaıtarmaǵany úshin jumysynan qýyldy, dep habarlaıdy QazAqparat pavlodarnews.kz saıtyna silteme jasap.
Pavlodar oblysy ákimdiginiń ádep jónindegi ýákili ıÝrıı Feldmannyń málimetinshe, ótken jyldyń sońy men osy jyldyń basynda Novopokrovka aýyldyq okrýginiń ákimi Dýlat Súılemenovtiń ústinen birneshe shaǵym túsken.
«Shaǵym jasaǵan azamattardyń aıtýynsha, ol aýyl turǵyndary men kásipkerlerden qaryzǵa aqsha alyp, keıin qaıtarmaı qoıǵan. Keıbir turǵyndar ákimniń sózine senip, oǵan qaryzǵa aqsha bergeni týraly qolhat ta almaǵan. Sondyqtan da, olar ózderiniń qaryzdaryn sot arqyly qaıtara almaı otyr», - dedi ıÝrıı Feldman.
Oblys ákiminiń baspasóz qyzmetinen habarlaǵandaı, Ýspen aýdanyna baryp, júrgizilgen tekseristiń nátıjesinde atalǵan derekter naqtylandy.
Atap aıtqanda, Dýlat Súleımenov aýdandaǵy kásipkerlerdiń birinen 300 myń teńge, sondaı-aq eki aýyl turǵynynan 17 jáne 140 myń teńge qaryzǵa alǵan. Biraq keıin bereshegin qaıtarmaǵan.
«Novopokrovka aýyldyq okrýgi ákiminiń bul áreketteri jalpy moraldyq-etıkalyq normalardy buzyp otyr. Sonymen birge, ol Qazaqstan Respýblıkasynyń «Memlekettik qyzmet týraly» Zańynyń 49-baby men Memlekettik qyzmetshilerdiń Ádep kodeksiniń keıbir normalaryn buzdy. Aýyl ákiminiń áreketteri memekettik qyzmetke qaıshy bolyp tabylady», - dedi ol.
Ádep jónindegi ýákil Ýspen aýdanynyń ákimine Dýlat Súılemenovti qyzmetinen bosatý týraly usynys jasady. 3 sáýir kúni Pavlodar oblysynyń ákimimen kelisý arqyly jáne Novopokrovka aýyldyq okrýginiń jergilikti qaýymdastyǵy jınalysynyń sheshimi negizinde Dýlat Súleımenov qyzmetinen bosatyldy.
