Pavlodar oblysynda turǵyndardan 15 sýyq qarý alyndy
«Pavlodar oblysynda aǵymdaǵy jyldyń 1 qyrkúıeginen beri bastalǵan «Ýchaske» jedel-aldyn alý sharasy barysynda polıtseıler oblystaǵy 170 myń úı men páterge baryp shyqqan. Quqyq qorǵaýshylar ıeleriniń azamattyq oqpen atylatyn qarýyn tekserýge, onyń durys saqtalýyna erekshe kóńil bóldi», - dep habarlady tilshilerge Pavlodar oblystyq polıtsııa departamentiniń baspasóz qyzmetinen.
Polıtsııa departamentiniń málimetinshe, tártip saqshylary oqpen atylatyn 5 myńnan astam qarý ıesin tekserdi. Tekserý barysynda qarýdy saqtaý jáne ustaý talaptaryn buzǵany úshin 15 qarý tárkilendi.
«Polıtseılerdiń kúndelikti mindeti – qylmys jáne quqyq buzýshylyq jasaýǵa beıim azamattardy turǵylyqty mekenjaıy boıynsha tekserip otyrý, olarmen aldyn alý áńgimelesýlerin ótkizý. Qylmys jáne tártip buzýshylyqtardyń aldyn alý óz nátıjelerin kórsetip otyr. Sharany ótkizý kezinde 3,5 myńǵa jýyq adam ákimshilik jaýapkershilikke tartylǵan», - dep baıandady Pavlodar oblystyq polıtsııa departamenti jergilikti polıtsııa qyzmeti bastyǵynyń orynbasary Rýfat Kenjın.
Ol aımaqta abattandyrý, qorǵaý nusqamasy erejelerin buzý, tártip buzýshylyqtar, qoǵamdyq oryndarda temeki shegý jáne alkogoldik ishimdikterdi ishý boıynsha tártip buzýshylyqtar anyqtalǵanyn qosyp ótti. Barlyq tártip buzýshylar ákimshilik jaýapkershilikke tartyldy.