Pavlodar oblysynda túnde júrgen 63 jasóspirim ustaldy
PAVLODAR. QazAqparat – Pavlodar oblysynda túnde júrgen 63 jasóspirim ustaldy, dep habarlaıdy QazAqparat pavlodarnews.kz silteme jasap.
Oblystyq PD baspasóz qyzmetiniń málimdeýinshe, jańa jyldan bastap kámeletke tolmaǵandardyń isi jónindegi ınspektorlar QR ÁQBK 442-baby boıynsha kámeletke tolmaǵandardyń zańdy ókilderiniń qaraýynsyz júrýine qatysty 63 ákimshilik is qozǵaǵan.
«Túnde Lermontov kóshesinde ornalasqan kompıýter klýbynda 2003 jylǵy jasóspirim bolǵan. Sol túni Toraıǵyrov kóshesinde ornalasqan dámhanada eki kámeletke tolmaǵan bala júrgen. Tekserý barysynda quqyq buzýshylardyń ata-analary Tereńkól aýdanynda ekeni anyqtaldy. Sondyqtan olar kámeletke tolmaǵandardy beıimdeý ortalyǵyna ornalastyryldy», - dedi departament baspasóz qyzmeti.
Atalǵan faktilerge baılanysty jasóspirimderdiń ata-analaryna qatysty QR ÁQBK-niń 442-baby 1-bóligi boıynsha ákimshilik hattama toltyryldy.
Al kóńil kóterý oryndarynyń ıelerine qatysty QR ÁQBK 132-baby boıynsha ákimshilik materıal qozǵaldy.
Sondaı-aq, polıtsııa qyzmetkerleri túnde Pavlodar qalasyndaǵy Qamzın kóshesindegi úıdiń janynda júrgen taǵy bir jasóspirimdi ustaǵan.
