Pavlodar oblysynda tórt aı ishinde balyq aýlaý erejesin buzǵan 140 adam ustaldy
NUR-SULTAN. QazAqparat - 2019 jylǵy 10 mamyrdan bastap 20 maýsymǵa deıingi kezeńde balyq aýlaýǵa tyıym salynǵan, dep habarlaıdy pavlodarnews.kz.
Oblystyq polıtsııa departamentiniń baspasóz qyzmeti habarlaǵandaı, tyıymǵa qaramastan, zańsyz balyq aýlaýǵa qumartýshylar barshylyq.
- Aqsý qalalyq tabıǵatty qorǵaý polıtsııasy toby balyq aýlaýǵa tyıym salynǵan kezeńde «Ertis» ózeniniń jaıylmasynda, Saryshyǵanaq aýylynyń mańynda Qytaıda jasalǵan aýlardy ornatý kezinde 59 jastaǵy oblys turǵynyn ustady, dep habarlady polıtseıler. - Polıtseıler ústerinen túskendikten pıǵyldaryn júzege asyra almaı qaldy. Er adam sonysymen tyıym salynǵan aý quraldarymen balyq aýlaý erejelerin óreskel buzǵan.
Polıtsııa qyzmetkerleri jalpy uzyndyǵy 60 metr 2 dana aý aldy. QR ÁQBtK 383-baby boıynsha ákimshilik materıal toltyryldy. 2019 jyldyń tórt aıy ishinde ǵana polıtsııa qyzmetkerleri balyq aýlaý erejesin buzǵany úshin 140 adamdy ákimshilik jaýapkershilikke tartty.
