Pavlodar oblysynda tirkelgen kásiporyndardyń 8300-i jumys istemeıdi
NUR-SULTAN. QazAqparat - Pavlodar oblysynda tirkelgen kásiporyndardyń 8300-i jumys istemeıdi. Atalǵan bıznes-sýbektileriniń úsh myńy jumysyn múldem toqtatqan, dep habarlaıdy pavlodarnews.kz.
Nur Otan partııasynyń oblystyq fılıalynda ótken qorytyndy keńes barysynda sóılegen oblys ákimi Bolat Baqaýov shaǵyn jáne orta kásipkerlik salasynda áli de aýqymdy jumysty atqarý kerektigin qadap aıtty.
- Shaǵyn jáne orta bıznes sýbektileriniń kórsetkishteri artqanymen, oblysta tirkelgen kásiporyndardyń 8300-i jumys istemeıtini anyqtaldy, - dedi Bolat Baqaýov. – Olardyń úsh myńy múldem jumysyn toqtatqan. Qalǵandary qyzmetin ýaqytsha toqtatsa, keıbireýleri bankrotqa ushyraǵan.
Bolat Baqaýov oblystyq kásipkerlik basqarmasyna máseleni memlekettik kiris departamentimen birlese sheshýdi tapsyrdy.
- Qyzmet etetin kásiporyndardyń 40%-y tabys tappaıdy, ıaǵnı nóldik esep tapsyrady. Budan shyǵatyn qorytyndy – kásipkerlerdiń kóbi kóleńkeli bıznespen aınalysady, - dedi Bolat Baqaýov.
Osy oraıda oblys basshysy qolma-qol aqshasyz esep aıyrysý tájirıbesin keńeıtý qajettiligin atady.
