Pavlodar oblysynda tasqyn sýdyń jaǵdaıy - tótenshe jaǵdaılar qyzmetiniń baqylaýynda
PAVLODAR OBLYSY. Naýryzdyń 27-si. QazAqparat /Vera Lıvıntsova/ - Pavlodar oblysyndaǵy tasqyn sýdyń jaǵdaıy - tótenshe jaǵdaılar jónindegi departament janyndaǵy jedel shtabtyń jiti baqylaýynda,
dep habarlady aımaq ákiminiń baspasóz qyzmetinen.
Barlyq selolyq okrýgterde kúni-túni kezekshilik uıymdastyrylǵan, qaýipti degen aýmaqtarda turaqty baqylaý júrgizilýde, dep habarlady qalalar men aýdandardyń ákimderi.
Sýdaǵy qutqarý qyzmetiniń stansylary men beketteri oblystaǵy barlyq sý toǵandaryn baqylap otyr, barlyq qaýipti ýchaskelerge eskertý belgileri qoıylǵan. Al respýblıkalyq mańyzdaǵy barlyq joldardaǵy sý ótkizý qurylǵylary tazartylǵan jáne arshylǵan.
Baıanaýyl aýdanyndaǵy tasqyn sýdyń jaǵdaıyn qadaǵalaý úshin tótenshe jaǵdaılar jónindegi jedel top jumys isteýde. Qyzyl sý júrýi yqtımal eldi mekender qardan tazartylyp, sý aǵyzylatyn arnalar qazylýda. Bul jumystarǵa 30 tehnıka jumyldyrylǵan, Ekibastuz kásiporyndarynyń mehanızatorlary kómektesýde.
