Pavlodar oblysynda tas jolda eki júk kóligi soqtyǵysty: zardap shekkender bar
PAVLODAR. QazAqparat – Pavlodar-Aqsý tasjolyndaǵy jol-kólik oqıǵasy saldarynan 36 jastaǵy jolaýshy jaraqatpen aýrýhanaǵa jetkizildi, dep habarlaıdy QazAqparat tilshisi.
«10 aqpanda saǵat 16:00-de Kenjekól aýylynyń janyndaǵy avtojol kópiriniń janynda Pavlodar-Aqsý avtojolynda 30 jastaǵy «KamAZ» markaly avtokólik taǵy bir «KamAZ» markaly avtokóligimen soqtyǵysty», – dep habarlady jýrnalısterge Pavlodar oblysy polıtsııa departamentiniń baspasóz qyzmeti.
Vedomstvoda, sondaı-aq, avtokólikterdiń biri oblys ortalyǵyna qaraı kele jatqanyn atap ótti. Apat saldarynan jaraqat alǵan júk kólikteriniń biriniń 36 jastaǵy jolaýshysy aýrýhanaǵa jetkizildi. Jolaýshy mas kúıde bolǵan, al júrgizýshiler medıtsınalyq kýálandyrýǵa sáıkes, saý bolǵan. Tekserý júrgizilip jatyr.
Esterińizge sala keteıik, aýa raıynyń qolaısyzdyǵyna baılanysty Pavlodar oblysynyń joldarynda kólik qozǵalysy shektelgen bolatyn. Keshe oblys trassalary boıynsha qozǵalys ashyldy.
