Pavlodar oblysynda sýǵa shomylý maýsymy15 maýsymnan bastalmaq
PAVLODAR. QazAqparat – Pavlodarlyq jaǵajaılarda shomylý áleýmettik qashyqtyqty saqtaýǵa jetkilikti oryn bolǵan kezde ruqsat etiledi. Sýǵa shomylý maýsymy kezinde jaǵajaılarǵa shezlongtar, kıim aýystyratyn oryndar jáne basqa da jabdyqtar bolýy kerek, dep habarlaıdy QazAqparat tilshisi.
«Pavlodar oblysynda 15 maýsymnan bastap sýǵa shomylý maýsymy ashylady», - dep habarlady sanıtarııalyq-ekpıdemıologııalyq baqylaý departamentinen. - Jaǵajaılarda shomylý áleýmettik qashyqtyqty saqtaýǵa jetkilikti oryn bolǵan kezde ruqsat etiledi. Bul rette jaǵajaılyq jabdyqtar (shezlongtar, kıim aýystyratyn oryndar, aıaq jýatyn jabdyqtar jáne t.b.) ornalastyrylýy kerek. Olardyń sıgnaldyq belgileri, shekteý kedergileri men lentalary bolýy mańyzdy.
Bul týraly áńgime aımaqtyq SEBD jáne tótenshe jaǵdaılar departamentiniń ókilderi, basqarmanyń orman sharýashylyǵy jáne sý resýrstary bólimi basshysynyń qatysýymen ótken brıfıngte aıtyldy.
«Jemalys aımaqtaryndaǵy jabyq ǵımarattarda aýany zalalsyzdandyrý kvarts, bakterıtsıdti lampalar kómegimen jáne aýany retsırkýlıatsııalaý arqyly júzege asyrylýy tıis. Bul – osyndaı nysandardyń qyzmet etýiniń mindetti talaby», - dep qosyp ótti epıdemıologtar.
