Pavlodar oblysynda sýarmaly eginshiliktiń aýmaǵy 4 ese ulǵaıady
PAVLODAR. QazAqparat -Pavlodar oblysynyń ákimi Bolat Baqaýov Aqsý aýylynda ótkizgen kóshpeli jıyn barysynda agrarlyq qyzmetkerlerge Respýblıkadaǵy sýarmaly eginshilikti damytýdyń 5 jylǵa arnalǵan synamaly keshendi josparyn tanystyrdy, dep habarlaıdy pavlodarnews.kz.
Keńes Evgenvka aýyldyq okrýginde ornalasqan sýarmaly eginshiliktiń arqasynda oblystaǵy astyq kóp beretin «Tımýr» sharýa qojalyǵy negizinde ótti.
Búgin «Tımýr» sharýa qojalyǵy paıdalanatyn eki myń gektardyń 850 gektar jeri sýarylýda.
Mundaǵy kartop turaqty túrde bir gektardan 450-500 tsentner ónim beredi, sábizden myń tsentr ónimge deıin barady. 2011 jyly sharýashylyq 250 mıllıon teńgege kókónis saqtaý qoımasyn ashty. Keıingi eki jyl ishinde qosymsha 5 myń tonnaǵa tońazytqysh pen sábizdi jýyp, jınaıtyn tseh iske qosyldy. Búginde saqtaýdyń jalpy syıymdylyǵy - 8myń tonna kartop pen 5 myń tonna sábizdi quraıdy. Sońǵy jeti jyl ishinde sharýashylyq óz damýyna shamamen 2,5 mıllıard teńge saldy.
«Pavlodar oblysyn ónerkásiptik óńir dep sanaıdy, alaıda bizde agrarlyq sektor da damýda. Oblysta 1,2 mıllıon gektar jerge ártúrli daqyldar egiledi. Mysal retinde Ertis aýdanynyń eń jaqsy jerlerine 60 myń gektar astyq egetin jáne Aqsý aýylynda myń gektardy sýaratyn kásiporyndy aıtýǵa bolady. Ekonomıka birdeı. Muny sharýa qojalyqtarynyń basshylary men isin endi bastap kele jatqan fermerlerge túsindirdik. Biz sýarmaly eginshiliktiń 5 jylǵa arnalǵan keshendi damý josparyn jasadyq. Bul Qazaqstandaǵy synaq joba bolaıyn dep tur», - dedi Bolat Baqaýov.
Aıta ketý kerek, Aqsý aýylynda sýarmaly eginshilikti damytý úshin barlyq jaǵdaı jasalǵan. Boıynan Ertis pen Belaıa ózenderi aǵyp ótedi, sondaı-aq Ertis-Qaraǵandy kanaly bar.
