Pavlodar oblysynda stýdent qyzdyń ólimine qatysty tergeý bastaldy
PAVLODAR. QazAqparat - Pavlodar oblysynda stýdent qyzdyń ólimine qatysty sotqa deıingi tergeý bastaldy. Іs QR Qylmystyq kodeksiniń 105-baby boıynsha qaralýda, dep habarlaıdy QazAqparat Pavlodarnews.kz saıtyna silteme jasap.
Ekibastuzda osy qaladaǵy kolledjderdiń birinde oqıtyn qyz segizinshi qabattaǵy páterdiń terezesinen sekirip, qaza tapty.
«Atalǵan faktige qatysty QR QK-niń 105-baby boıynsha sotqa deıingi tergeý bastaldy. QR QPK 201-babyna sáıkes ózge aqparat tergeý múddesinde oraı taratylmaıdy», - dep atap ótti óńirlik polıtsııa departamentinen.
QR QK 105-baby – «Adamdy ózin-ózi óltirýge deıin jetkizý nemese jábirlenýshini qorqytý, oǵan qatygezdikpen qaraý nemese onyń adamdyq qadir-qasıetin júıeli túrde qorlaý arqyly ózin-ózi óltirýge oqtalý». Kináli adam úsh jylǵa deıin bas bostandyǵynan shektelýi nemese aıyrylýy múmkin.
Qaza tapqan 16 jastaǵy qyz Ekibastuz qalasynyń akademık Q.I. Sátbaev atyndaǵy ınjenerlik-tehnıkalyq ınstıtýtynda 1-kýrsta oqyǵan. Kolledjdiń aqparatynsha, ol 9-synyptan keıin «stantsııalar men qosalqy stantsııalardyń elektr jabdyqtary» mamandyǵynyń kúndizgi bólimine oqýǵa túsken.
