Pavlodar oblysynda sottyń eki ǵımaratyna «mına qoıylǵany» habarlandy
PAVLODAR. QazAqparat – Pavlodar oblystyq soty men Pavlodar oblysynyń qylmystyq ister jónindegi mamandandyrylǵan aýdanaralyq sotyna jarylǵysh zat qoıylǵany týraly habarlama túsken, dep habarlaıdy QazAqparat tilshisi.
«Búgin saǵat 14:53-te Pavlodar oblystyq jáne Pavlodar oblysynyń qylmystyq ister jónindegi mamandandyrylǵan aýdanaralyq sotynyń elektrondyq poshtalaryna ǵımarattarǵa jarylǵysh qurylǵylar qoıylǵany týraly habarlama túsken», - dep málimdedi Pavlodar oblysy polıtsııa departamentiniń baspasóz qyzmetinen.
Vedomstvo atap ótkendeı, oqıǵa ornyna dereý barlyq shuǵyl den qoıý kúshteri jetken.
«Adamdar evakýatsııalandy. Saperler jumys istep jatyr, ǵımarattar tekseriledi», - dep tolyqtyrdy organnan.
Eske salsaq, Elorda men Almatyda 11 iri nysanǵa «mına qoıǵan» turǵyn sottaldy.
