Pavlodar oblysynda sottar qaraǵan daýlardyń úshten biri taraptardyń tatýlasýymen aıaqtalady
PAVLODAR. QazAqparat - Pavlodar oblysynda sottar qaraǵan daýlardyń úshten biri taraptardyń tatýlasýymen aıaqtalady. Bul týraly «100 naqty qadam» Ult josparyn júzege asyrýǵa arnalǵan baspasóz máslıhatynda óńir ákimi Bolat Baqaýov málim etti.
Sot medıatsııasy ınstıtýty iske qosylǵanyn eske salyp ótken ol, qoǵamdyq kelisimdi nyǵaıtý men bitimge kelý rásimderin damytý maqsatynda «Qoǵamdyq kelisim» KMM janynda Medıatsııa ortalyǵy qurylǵanyna toqtaldy.
«Bul óz kezeginde medıatordyń qatysýymen daýlasqan taraptardyń arasynda barlyq daýly máselelerdi sotqa deıin retteý úshin qurylǵan dıalog alańy. Medıatsııa kabınetteri aýdandyq jáne aýyldyq okrýgter ákimdikterinde de ashyldy», - dedi oblys ákimi.
Sonymen qatar qazirgi kezde oblysta sot otyrystary ótetin 92 zalda dybys jáne beıne jazbamen qamtamasyz etý quraldary ornatylǵanyn atap ótti. 2015 jyly atalǵan júıeni paıdalaný arqyly qaralǵan ister 28 esege ósken kórinedi.
