Pavlodar oblysynda shybyn-shirkeıge qarsy áýeden óńdeý bastaldy
PAVLODAR. QazAqparat - Pavlodar oblysynyń Ertis jaıylmasynda shybyn-shirkeıge qarsy áýeden óńdeý bastaldy. Zııankesterdi ýlaý jumystary «Baktıtsıd» bıologııalyq preparatymen júrgizilýde, dep habarlaıdy QazAqparat Pavlodarnews.kz saıtyna silteme jasap.
Oblystyq jer qoınaýyn paıdalaný, qorshaǵan orta jáne sý resýrstary basqarmasynyń málimeti boıynsha, alqaptardy óńdeý ǵylymı qoldaý tobynyń usynymyna sáıkes júzege asyrylady. Birinshi kezekte Pavlodarskoe aýylynyń mańyndaǵy alqap óńdeldi.
«Baktıtsıd» bıologııalyq preparatyn sýmen 1:10 mólsherinde aralastyrady, ıaǵnı bir tonna sýǵa júz kılogramm preparat jumsalady. Al eritindi jer qoınaýyn paıdalaný basqarmasy, ǵylymı qoldaý toby jáne «Ertis - adaldyq alańy» jobalyq keńsesi ókilderiniń qatysýymen daıyndalady», - delingen basqarmanyń habarlamasynda.
Budan keıin eritindi ushaqqa quıylady. Ushaq tómen usha alatyn kezde, ıaǵnı tańerteń jáne keshke preparatty tıimdi shashyrata alatyn mezgilde shyǵady.
