Pavlodar oblysynda shomylý maýsymy aıaqtaldy
PAVLODAR. QazAqparat - Pavlodar oblysynda qutqarýshylar shomylý maýsymy aıaqtalsa da, sý aıdyndaryndaǵy qaıǵyly oqıǵalardyń aldyn alý úshin balyqshylar men ańshylarmen jumysty bastady, dep habarlaıdy QazAqparat tilshisi.
«Pavlodar oblysynda shomylý maýsymy aıaqtalyp, sý aıdyndaryndaǵy jappaı demalys oryndary resmı jabyldy jáne jaǵajaı jumysy kelesi jylǵa deıin toqtady. Alaıda, oblystaǵy sý aıdynyndaǵy jumys qyzý júrip jatyr», - dep habarlady búgin Pavlodar oblystyq tótenshe jaǵdaılar departamenti.
Qutqarýshylardyń aıtýynsha, kúz - balyq jáne ań aýlaýshylardyń súıikti mezgili. Tájirıbeli balyqshylar men ańshylar kúzde balyq aýlaǵandy unatady.
«Sýdaǵy tótenshe jaǵdaılardyń aldyn alý maqsatynda jedel-qutqarý jasaǵynyń qyzmetkerleri kún saıyn balyqshylar otyratyn oryndardy aralap shyǵýda. Qutqarýshylar sý nysandaryn patrýldeý kezinde profılaktıkalyq áńgimelesýler júrgizip, olarǵa shomylý erejeleri, demalys kezinde sýda qaýipsiz júrý jáne qaıyqtan balyq aýlaý týraly eskertýde», - dedi TJD-da.
