Pavlodar oblysynda sheteldikterdiń ákimshilik aıyppuly 200 mln teńgege jetti
Pavlodar oblystyq prokýratýrasy úılestirý keńesiniń otyrysynda sheteldik azamattardan ákimshilik aıyppul óndirý máselesi talqylandy. Aımaq prokýratýrasynyń málimetinshe, sońǵy eki jylda olarǵa qatysty 16000 ákimshilik hattama jasalǵan. Aıyppuldyń jalpy kólemi 245 mıllıon teńgeni quraıdy. Onyń 38 mıllıon teńgesi nemese 15 paıyzy ǵana óndirilgen.
Pavlodar oblysy prokýratýrasynyń úılestirý keńesi otyrysynyń qorytyndysynda shetel azamattarynan aıyppul óndirýdi jaqsartý boıynsha ýákiletti organdarǵa keńester berildi. Ákimshilik tájirıbe sýbektilerine jadynamalar jasap, quqyq buzýshylarǵa jeti kúnniń ishinde qaryzyn ótegen jaǵdaıda aıyppul kólemin 50 paıyzǵa deıin tómendetý múmkindigi qarastyrylatynyn túsigdirýge keńes berildi. Al, ishki ister departamentine aıyppuldardy tóleý úshin patrýldi mobıldi termınal qyzmetterin jabdyqtaý tapsyryldy. Shekara baqylaýy nysandarynda da aıyppul tóleý termınaldaryn ornatý tapsyryldy. Endi ótelmegen aıyppuldardyń 98 paıyzy jol júrý erejesin buzý bolǵandyqtan, quqyq buzýshynyń qujattaryn dál jol ústinde tárkileý múmkindigi qarastyrylyp jatyr.