Pavlodar oblysynda shaǵyn kásipkerlik sýbektileriniń sany 45 myńǵa jýyqtady
PAVLODAR. QazAqparat - Óńirde 2020 jylǵy qańtar-sáýirde ónerkásip óndirisiniń kólemi 682,7 mıllıard teńgeni qurady, dep habarlaıdy pavlodarnews.kz.
Bul týraly Pavlodar oblysynyń statıstıka departamenti málim etti. - 2019 jylǵy qańtar-jeltoqsandaǵy óndirilgen jalpy óńirlik ónimniń kólemi 2805,9 mıllıard teńgeni jáne 2018 jylǵy sáıkes kezińimen salystyrǵanda 102,7 paıyzdy qurady. 2020 jylǵy qańtar-sáýirde negizgi kapıtalǵa salynǵan ınvestıtsııalar kólemi 73,5 mıllıard teńgege jetti. Investıtsııalardyń negizgi kózi menshikti qarajat bolyp tabylady – 53 mıllıard teńge nemese jalpy ınvestıtsııa kóleminiń 72 paıyzyn quraıdy. Sondaı-aq 2020 jylǵy qańtar-sáýirde ónerkásip óndirisiniń kólemi 682,7 mlrd teńgeni qurady. Al, 2020 jylǵy qańtar-sáýirdegi bólshek saýda kólemi 102,1 mıllıard teńgeni qurasa, kóterme saýda taýar aınalymynyń kólemi 106,4 mıllıard teńgeni qurady. - 2020 jylǵy 1 mamyrdaǵy jaǵdaı boıynsha oblystyń bıznes qurylymyndaǵy shaǵyn jáne orta kásipkerlik (ShOK) jumys istep turǵan sýbektileriniń sany 44983-ke jetti nemese 2019 jyldyń sáıkes kezeńimen salystyrǵanda 98,2 paıyzdy qurady. Onyń ishinde 10216 – shaǵyn kásipkerliktiń zańdy tulǵalary, 106 – orta kásipkerliktiń zańdy tulǵalary, 31380 – jeke kásipkerler, 3281 sharýa nemese fermerlik qojalyqtar, - dedi departamentte.
