Pavlodar oblysynda semiz qoshqardy 61 ret kótergen jigit jeńimpaz atandy
PAVLODAR. QazAqparat - Aqsýda qala kúni merekesine arnalǵan sharalar ótip jatyr, dep habarlaıdy QazAqparat pavlodarnews.kz agenttigine silteme jasap.
Báıge, aýdaryspaq, qyz qýý, qoshqar kóterý syndy ulttyq sport túrlerinen ótken saıysqa Pavlodar oblysynyń ártúrli aýdandarynan kelgen azamattar qatysty.
«Jurtshylyqtyń delebesin qozdyrǵan báıgede aımaǵymyzdyń túkpir-túkpirinen 15 shabandoz baq synady, - deıdi Aqsý qalasy ákiminiń baspasóz hatshysy Baqytgúl Eselbaeva. - Báıge on bes shaqyrym, bes aınalymǵa sozyldy. Nátıjesinde Aqqýly aýdanynan kelgen Serik Arman men Dostyq aýyldyq aımaǵynyń turǵyny Sherhan Qýanbektiń tulparlary márege birinshi jetip, ekeýi birinshi oryndy ózara bólisti. Jeńimpazdarǵa qala ákimi Nıkolaı Dychko mototehnıkalar syıǵa tartty. Ekinshi oryndy Mámáıit Omarov aýylynan Aıbar Qarataev, úshinshi oryndy Aqsý qalasynan Azamat Ydrysov ıelendi. Olarǵa turmystyq tehnıkalar tapsyryldy».
60 keli qoshqardy kóterýden synǵa túsken 20 adamnyń ishinen Qyzyljar aýylynan kelgen Erasyl Syzdyqov jeńimpaz atanǵan. Boıynda kúshi tasyǵan azamat 61 ret múdirmesten kótergen qoshqaryn ózimen birge alyp ketti. Budan bólek, aýdaryspaq, qyz qýý oıyndarynyń jeńimpazdary da baǵaly syılyqtarmen marapattaldy.
