Pavlodar oblysynda saılanǵan eń jas ákim 25-te
ASTANA. QazAqparat - Pavlodar oblysynda saılanǵan eń jas ákim 25-te bolsa, eń úlkeni 58-de. Bul týraly búgin óńirlik kommýnıkatsııalar qyzmetinde ótken baspasóz máslıhatynda oblystyq saılaý komıssııasy tóraǵasynyń orynbasary Vera Erashova málim etti, dep habarlaıdypavlodarnews.kz tilshisi.
«2017 jylǵy tamyz aıyna bekitilgen aýyldyq okrýgtiń quramyna kirmeıtin aýyldyq okrýgter men aýyldardyń ákimderin saılaý óz máresine jetti. Saılaý 16-17 tamyz kúnderi ótti. Búgingi kúngi jaǵdaıǵa keletin bolsaq, qalalyq jáne aýdandyq saılaý komıssııalary aýyl ákimine úmitker 279 kandıdatty tirkedi. Olardy qupııa daýys berý quqyǵy negizinde máslıhat depýttary saılady. Aýyldyq okrýgter men aýyl ákimderine daýys berý oryndary saılaýshylar otyrysy ótken ǵımarattarda ashylyp, qajetti quraldarmen jabdyqtaldy. Oblystyń 13 aımaǵynda saılaý úrdisine 167 depýtat qatysty. Bul saılaýshylar tizimine engizilgen saılaýshylardyń jalpy sanynyń 99,4 paıyzyn quraıdy. 279 úmitkerdiń ishinen 98 aýyl ákimi saılandy», - dedi Vera Erashova.
Spıkerdiń aıtýynsha, saılanǵan ákimderdiń 80-i er adamdar bolsa, 18 - áıelder. Onyń ishinde: pedagogtar - 47, aýyl sharýashylyǵy mamandary - 18, ekonomıster - 11, zańgerler - 11, ınjenerler - 11.
«Qazaqstan Respýblıkasynyń 25 jasqa tolǵan jáne joǵary bilimi bar, sotty bolmaǵan kez kelgen azamaty saılaýǵa qatysa alady. Ákimderdi saılaý BAQ jáne qoǵamdyq birlestikterdiń ókilderi, senimdi tulǵalardyń qatysýymen erejege sáıkes uıymdastyryldy. 1991 jylǵy eń jas ákim Erǵanat Qaıken Maı aýdany Maıtúbek aýylynda turady. Sondaı-aq, Qashyr aýdany Tereńkól aýyldyq okrýgine Danııar Aıtyshev, Jelezın aýdany Qazaqstan aýyldyq okrýgine Azıza Ibraeva saılandy. Olardyń ekeýi de 1990 jylǵy», - dep atap kórsetti Vera Erashova.
