Pavlodar oblysynda respýblıkalyq mańyzy bar joldardy jóndeýmen jeke kásipkerler aınalysýy múmkin
ASTANA. QazAqparat - Pavlodar oblysynyń prokýratýrasy jol apatynyń aldyn alý úshin respýblıkalyq mańyzy bar joldardy kútýdi jeke kásipkerlege berýdi usyndy, dep habarlaıdy pavlodarnews.kz.
Bul týraly oblys prokýratýrasymen Pavlodar oblysynyń respýblıkalyq kólik joldaryn kútip ustaý kezinde zańnamany qoldaný máselesi boıynsha ótken alqa otyrysy kezinde prokýratýranyń birinshi basqarmasynyń bastyǵy Saıat Ábdilmanov málim etti.
-Joldardy kútý memlekettik mekemelerdiń quzyrynda. Alaıda olarda joldardy kútip ustaýǵa tehnıka jetkiliksiz. Qazaqstan Respýblıkasy Investıtsııalar jáne damý mınıstrligine respýblıkalyq mańyzy bar joldardy jeke kásipkerlerge berýdi usynamyz. Osylaısha memleket jańa salyqqa keńelse, adamdar jańa jumysqa ıe bolady, - dedi Saıat Ábdilmanov.
Aıta keteıik, oblys aýmaǵyndaǵy respýblıkalyq kólik joldarynyń jalpy araqashyqtyǵy 1 510 shaqyrymdy quraıdy. Onyń ishinen «Qazaqkólik joly» ShJQ RMK Pavlodar oblysy fılıalynyń kútip ustaýyna 1 143 shaqyrym kiredi. Respýblıkalyq kólik joldaryn kútip ustaý «Qazaq kólik joly» ShJQ RMK men «QazAvtoJol» Ulttyq kompanııasy» AQ-nyń arasyndaǵy sharttyń negizinde júzege asyrylady. Bul maqsatta 2016 jyly 1 mlrd. 150 mln. 756 myń 90 teńge bólindi.
