Pavlodar oblysynda poıyzben soqtyǵysqan avtobýs júrgizýshisiniń jaǵdaıy belgili boldy
PAVLODAR. QazAqparat - Pavlodar oblysynda poıyzben soqtyǵysqan avtobýs júrgizýshisi aýrýhanaǵa jetkizildi, dep habarlaıdy pavlodarnews.kz tilshisi.
Ekibastuz qalalyq aýrýhanasy bas dárigeriniń orynbasary Svetlana Podzorovanyń aıtýynsha, naýqastyń jaǵdaıy ortasha.
«55 jastaǵy avtobýs júrgizýshisiniń mıy shaıqalǵan. Ol jabyq bassúıek mı jaraqatyn aldy. Oǵan barlyq tıisti kómek kórsetilip jatyr», - dedi Svetlana Podzorova.
Oblystyq densaýlyq saqtaý basqarmasynyń baspasóz hatshysy Elmıra Temirǵalıevanyń sózinshe, jol kólik oqıǵasynyń nátıjesinde jeti adam túrli jaraqat alǵan.
Jeti adamnyń úsheýi ambýlatorlyq em alyp jatyr. Zardap shekkenderdiń bireýi oń jaq beti býynynyń jabyq jaraqatyn alsa, endi bireýi sol ıyǵyn jaraqattaǵan. Qalǵandary jeńil jaraqat alǵan.
ІІD-niń baspasóz qyzmeti málim etkendeı, oqıǵaǵa qatysty QR QK 345-baby, 1- bólimi boıynsha sotqa deıingi tergeý bastaldy.
Eske sala keteıik, 2 shilde kúni Ekibastuz qalasynyń mańyndaǵy «Úshqulyn-Toqýbaı» baǵytynyń Pavlodar-Ekibastuz bóliginde júk poıyzy jolaýshylar avtobýsymen soqtyǵysty.
Avtobýs júrgizýshisi telefonmen sóılesip, baǵdarshamnyń tyıym salynǵan belgisine ótip ketken. Sonyń saldarynan avtobýs joldyń jıegine shyǵyp ketti.
